Tert.am-ը գրում է.
Արման Բաբաջանյան տվյալներով օգտատերը «ֆեյսբուքյան» էջում հրապարակում է կատարել հետևյալ վերտառությամբ. «Զինված մահափորձ կյոկուշին ֆեդերացիայի նախագահ Անդրանիկ Հակոբյանի նկատմամբ»։ Օգտատերը ներկայացրել է դեպքի իրեն հայտնի մի շարք հանգամանքներ, նույնիսկ որոշել է տուժողի վնասվածքների ծանրության աստիճանը (ախտորոշումը շփոթելով դատաբժշկի եզրակացության հետ), կատարվածն էլ որակել` սպանության փորձ։
Բացի այդ իրավապահ մարմիններին, այդ թվում` ոստիկանությանը, մեղադրել է անգործության մեջ։ ՀՀ ոստիկանությունը պարզաբանում է, որ ահազանգն ստանալուն պես ոստիկանության Մաշտոցի բաժնի ծառայողները ձեռնարկել են օրենքով սահմանված համապատասխան միջոցառումներ։ Դեպքի վերաբերյալ սկսվել է նյութերի նախապատրաստման գործընթաց։ Ծեծի ենթարկվածի մորից հաղորդում է ընդունվել, ըստ որի որդու հետ վիճաբանողները երեքն են եղել, իսկ հարվածներ հասցրել է մեկը։
Ամբողջական հոդվածը կարող եք կարդալ այստեղ
