Անհամեստ չհնչի, բայց փաստ է, որ Հայաստանի քաղաքական դաշտում դժվար թե գտնվի մեկը, ով ինձնից հաճախ, ինտենսիվ եւ բովանդակային աշխատանք է տանում Եվրոպական միության կառույցների հետ։

Արեւմուտքի հետ մեր հարաբերությունները մշտապես եղել են արտաքին քաղաքականության հարստացման, բալանսավորման, ներքին քաղաքական օրակարգի եւ բարեփոխումների տեսանելի, շոշափելի եւ առարկայական բաղկացուցիչ։

Գեոպոլիտիկ եւ ոչ մի կենտրոն ի զորու չէ միայնակ հոգալու եւ բավարարելու Հայաստանի եւ Արցախի բոլոր խնդիրներն արդի աշխարհում՝ անվտանգությունից մինչեւ տնտեսություն ու կրթություն։

Երկրի արտաքին քաղաքականության վեկտորների միջանցքը, ելնելով տարածաշրջանային առանձնահատկություններից, շատ նեղ է։

Վերջին շրջանում տեղի ունեցող երեւութները, սակայն, անհանգստացնող են եւ մտահոգիչ։ Նշաններ եմ տեսնում, որ ոմանք երկրի գործող ղեկավարության հորդորով կամ համաձայնությամբ փորձում են Հայաստանը ներքաշել գեոպոլիտիկ խաղի մեջ՝ դարձնելով մեզ հզորների բախման մարտադաշտ։

Երկիրս փորձարկումների չենթարկեք։ Ձեր ներքին խաղիկներն ու նոպաները՝ մի կողմ, ժողովրդի եւ պետության ճակատագրի հետ անփառունակ խաղեր չտաք։

Հետո չասեք, թե չեմ զգուշացրել...

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել