Ուկրաինայի նախագահ Վլադիմիր Զելենսկին հրաման է ստորագրել պատգամավորների անձեռնմխելիության կասեցման վերաբերյալ։ Այս մասին հաղորդվում է նախագահի պաշտոնական կայքում։
Ուկրաինայի Սահմանադրության 80-րդ հոդվածի նոր ձևակերպմամբ չեն պարունակվում այն դրույթները, համաձայն որոնց երաշխավորվում է պատգամավորների պառլամենտական անձեռնմխելությունը։
Ներկայումս արգելվում է Ուկրաինայի պատգամավորներին առանց Ազգային Ժողովի համաձայնության քրեական պատասխանատվության ենթարկել։
Փաստաթուղթը ուժի մեջ կմտնի 2020թ․ հունվարի 1-ից։
Ինչպես Tert.am-ը ավելի վաղ հաղորդել էր, նախագահ Զելենսկին երկրի խորհրդարանում ԿԸՀ-ի լիազորությունների վաղաժամ դադարեցման վերաբերյալ նախաձեռնությամբ է հանդես եկել:
Նախաձեռնության տեքստում նշվում է խորհրդարանական ընտրությունների ժամանակ ԿԸՀ-ի կողմից գրանցումների իրականացման, թեկնածուների վերաբերյալ կենսագրական տվյալներ ներկայացնելու հարցում կողմնակալ և օրենքին հակասող գործունեությունը: Նախաձեռնության մեջ հիշատակվում է նաև նախկինում ԿԸՀ-ի անօրինական գործունեության հետ կապված դատական մարմինների թվով 28 որոշումները: