ԱՄՆ Միչիգան նահանգում մոծակի խայթոցից հետո աղջնակը հազվագյուտ հիվանդությամբ է վարակվել, հաղորդում է Inside Edition-ը։

Օգոստոսի սկզբին 14-ամյա Սավանա ԴեՀարթի մոտ ուժգին գլխացավ է սկսվել։ Մի քանի օր անց սկսել են ցավել նրա հոդերը, և բրաձրացել է մարմնի ջերմությունը։ Բժիշկները երեխայի մոտ ձիու արևելյան էնցեֆալիտ են ախտորոշել, որը փոխանցվում է մոծակների միջոցով։

Այժմ Սավանան շնչում է արհեստական շնչառական սարքի օգնությամբ։ Երեխայի մոր խոսքով՝ նրա ուղեղը վարակը հաղթահարելու ինքնուրույն փորձեր է ձեռնարկում, այդ պատճառով երեխան անգիտակից վիճակում է, սակայն հպումներին արձագանքում է։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել