Armsport.am-ը գրում է․
«Բարսելոնայի» ավագ Լիոնել Մեսսին շարունակում է ապաքինվել վնասվածքից։ Լա լիգայի երկրորդ տուրի շրջանակում «Բետիսի» դեմ կայանալիք խաղում արգենտինացին հավանաբար կլինի թիմի հայտացուցակում։
Ինչպես հաղորդում է իսպանական AS պարբերականը, ամեն դեպքում Մեսսին դժվար թե մեկնարկային րոպեներից դուրս գա դաշտ։ Կատալոնացիների առաջատարը 100 տոկոսով պատրաստ չէ դեռևս ու կարող է սկսել հանդիպումը պահեստային նստարանից։ Վնասվածքների պատճառով հանդիպումը բաց են թողնելու նաև Ուսման Դեմբելեն և Լուիս Սուարեսը։
Լա լիգայի բացման խաղում «Բարսելոնան» առանց Մեսսիի 0-1 հաշվով պարտվեց «Աթլետիկին»՝ կրելով 11 տարվա մեջ առաջին պարտությունը մեկնարկային տուրում։
Երկրորդ տուրում «Բարսելոնան» մրցելու է «Բետիսի» հետ։ Հանդիպման մեկնարկը Երևանի ժամանակով 23։00-ին է։