Armsport.am-ը գրում է․
«Ինտերի» նորեկ Ռոմելու Լուկակուն դժգոհել է իր նախկին թիմից՝ «Մանչեսթեր Յունայթեդից»՝ նշելով, որ թիմի վատ մրցելույթների ժամանակ բոլորը մշտապես մեղադրում էին կամ իրեն, կամ Պոգբային, կամ էլ Ալեքսիս Սանչեսին:
«Նրանք միշտ գտնում էին ինչ-որ մեկին մեղադրելու համար: Դա ես էի, Պոգբան, կամ էլ Ալեքսիսը: Նրանք միշտ մեղադրում էին մեզ երեքիս:
Չեմ կարծում, որ նախորդ մրցաշրջանում ես միակ ֆուտբոլիստն էի, ով վատ էր խաղում: Թիմում բազմաթիվ խաղացողներ կային, ում կարելի էր մեղադրել»,-Լուկակուի խոսքերն է մեջբերում Goal.com-ը:
Լուկակուն նաև հավելել է, որ մրցաշրջանի ավարտին հասկացել է, որ չի կարող շարունակել ՄՅՈւ-ի մի մասը կազմել, այդ իսկ պատճառով մտածել է ակումբը փոխելու մասին:
Հիշեցնենք, որ «Ինտերը» ամառային տրանսֆերային պատուհանի ընթացքում 75 միլիոն ֆունտի դիմաց ձեռք բերեց Ռոմելու Լուկակուին:
Նյութի աղբյուր՝ http://www.armsport.am/hy/news/2019/08/22/lukaku1/1008708
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել