168.am-ը գրում է.
Հոնկոնգում հակակառավարական ցուցարարներն անցել են նոր մարտավարության. նրանք սոցիալական ցանցերի եւ մեսենջերների միջոցով սկսել են կոչ անել ամբողջ քաղաքում բանկոմատներից զանգվածաբար հանել կանխիկ փողերը, ինչպես նաեւ սկսել տեղական արժույթը փոխարինել ԱՄՆ-ի դոլարով:
Առաջատար բանկերը, այդ թվում՝ HSBC-ն, հայտարարել են, որ թղթադրամի բավարար պաշար ունեն եւ հետեւելու են իրադարձությունների զարգացմանը:
«Մենք հսկողության տակ կպահենք իրադրությունը եւ կշարունակենք դա անել օրվա ընթացքում»,- հայտարարել է Citybank-ի ներկայացուցիչը:
«Մենք լսել ենք այդ լուրերը: Այսօր մեզ համար օրը սովորական է, մեր բոլոր բանկոմատները գործել են բնականոն ռեժիմով: Մենք հավաստիացնում ենք, որ մեր բոլոր մասնաճյուղերը բավական քանակությամբ կանխիկ գումար ունեն հաճախորդների կարիքների համար: Բոլոր բանկոմատները նաեւ ունեն թղթադրամի բավականաչափ պաշար»,-նշել է OCBC Wing Hang Bank-ի ներկայացուցիչը:
Տեղի բանկոմատների մեծամասնությունը մեկ հաշվետիրոջ համար 20-40 հազար հոնկոնգյան դոլարի (2,55 հազարից մինչեւ 5,1 հազար դոլար) սահմաններում փող հանելու օրական լիմիտ ունի, հաղորդել է ՏԱՍՍ-ը: