Բրիտանիայի Վուսթերշիր կոմսության Ռեդիթչ քաղաքի բնակչուհին որոշել է գործնականում օգտագործել միկրոալիքային վառարանում ձու պատրաստելու խորհուրդը:
The Sun-ի փոխանցմամբ, Բեթանի Ռոսերը որոշել է ձու եփել՝ աղ ավելացնելով: Նմանատիպ բաղադրատոմս նա գտել է համացանցում: Օգտատերերը հավաստիացրել են, որ այս եղանակով հնարավոր է միկրոալիքային վառարանում «անվտանգ» սնունդ պատրաստել՝ առանց պայթյունի վտանգի:
«Ես համացանցում google-ի միջոցով սկսեցի պարզել, արդյոք հնարավոր է միկրոալիքային վառարանում ձու եփել»,- ասել է աղջիկը և խոստովանել, որ խստորեն հետևել է հրահանգներին:
Գործընթացն ավարտվելուն պես Բեթանին որոշել է վառարանից հանել կաթսան: Այդ պահին ձվի կեղևը պայթել է և պարունակությունը լցվել է աղջկա դեմքի աջ հատվածին:
Սարսափելի այրվածքներով նրան տեղափոխել են Եղիսաբեթ թագուհու Բիրմինգհեմի հիվանդանոց: Ի լրումն ամենի, աղջիկը կուրացել էր մի աչքից: Նա դեռ համոզված չէ՝ կվերականգնվի արդյոք տեսողությունը:
Տուժողը հույս է հայտնել, որ ոչ ոք այլևս ձու չի պատրաստի միկրոալիքային վառարանում: