Ինտելեկտը մարդու մտավոր ունակությունն է, որը նրան թույլ է տալիս իրեն խելացի համարել։ Սխալ է ենթադրելը, թե ինտելեկտը միայն մի տեսակի է լինում։ Ամերիկացի հոգեբան, «բազմակի ինտելեկտ» հասկացության հեղինակ Հովարդ Գարդները ինտելեկտի 8 տեսակ է առանձնացնում։
1. Բնական ինտելեկտ
Սա ինտելեկտի շատ զգացմունքային տեսակն է, քանի որ հենց սա է պատասխանատու թե որքան լավ եք դուք փոխգործակցում բնության հետ, զգում կենդանիներին, բույսերին։ Եթե դուք շատ խնամքով եք վերաբերվում բնությանը, ուրեմն ինտելեկտի այս տեսակը ձեզ մոտ շատ լավ է զարգացած։
2. Միջանձնային ինտելեկտ
Այս տեսակը օգնում է ճիշտ կառուցել այլ մարդկանց հետ փոխադարձ կապերը, հասկանալ նրանց զգացմունքները, կարողանալ լսել և հասկանալ, փոխգործակցել։
3. Ներանձնային ինտելեկտ
Ինտելեկտի այս տեսակը տարբերվում է նրանով, որ այն թույլ է տալիս ձեզ լավ գլուխ հանել ձեր սեփական զգացմունքներից և ապրումներից, ղեկավարել հույզերը, տրամաբանական ճիշտ շղթաներ կառուցել։
4. Մարմնային–կինեստետիկ ինտելեկտ
Սա մարմնի շարժումները ղեկավարելու ունակությունն է, մարմինը ինչ որ խնդիրներ լուծելու համար ներգրավելը։
5. Տարածական ինտելեկտ
Կարողանալ ընկալել ինֆորմացիան, որ տեղի է ունենում շրջակա տարածության մեջ, մշակել այն, վերաստեղծել տեսողական կերպարներ։ Եթե դուք կարողանում եք երևակայության մեջ պատկերացնել որոշակի առարկաներ և նույնիսկ գործողություններ, ապա այս ինտելեկտը ձեզ մոտ լավ է զարգացած։
6. Տրամաբանական–մաթեմատիկական ինտելեկտ
Այս ինտելեկտն այն դեպքում է զարգացած, եթե ձեզ մոտ լավ է զարգացած վերացական մտածողությունը։ Սա օբյեկտների և գործողությունների միջւ տրամաբանական շղթաներ և կապեր կառուցելու ունակությունն է։
7. Երաժշտական ինտելեկտ
Պարզվում է, նույնիսկ այսպիսին կա։ Սա տեմբրերը, ռիթմերը, բարձրությունը և հնչյունների այլ բնութագրեր լավ ընկալելու ունակությունն է։
8. Վերբալ ինտելեկտ
Որակյալ խոսքի բոլոր բաղադրիչների նկատմամբ ունակությունը. Հնչյունաբանություն, ուղղագրություն, բովանդակություն և անհրաժեշտ իրավիճակներում խոսքի օգտագործում։