Tert.am-ը գրում է.
Լոնդոնում գտնվող Թեյթի անվան ժամանակակից պատկերասրահի 10-րդ հարկի պատշգամբից 6-ամյա երեխայի են ցած նետել, այժմ նա պայքարում է կյանքի համար: Ոստիկանությունը ձերբակալել է 17-ամյա տղայի՝ սպանության փորձի կասկածանքով, գրում է Daily Mail-ը:
Աղբյուրի հաղորդմամբ՝ ոստիկանները և շտապօգնության բրիգադները միջադեպից անմիջապես հետո շտապել են դեպքի վայր:
«Ես հարվածի ձայն լսեցի, ապա վերևից մի կնոջ բղավոց. «Նա իմ որդին է, նա իմ որդին է»,- պատմել է ականատեսներից մեկը, որն այդ պահին գտնվել է հինգերորդ հարկում:
Ականատեսի խոսքով՝ նա բղավոցների հետևից պատշգամբ է դուրս եկել, որտեղ տղան անշարժ պառկած է եղել, մինչդեռ մի խումբ մարդիկ բարձրաձայն բղավել են:
Նրա խոսքով՝ անչափահասը, որը մինչ ոստիկանության ժամանումը վնասազերծվել էր մարդկանց կողմից, «պարզապես կանգնած էր այնտեղ և իրեն միանգամայն հանգիստ էր պահում»:
Աղբյուրի հաղորդմամբ՝ պատկերասրահը դեպքից հետո փակվել է:
Ամբողջական հոդվածը կարող եք կարդալ այստեղ
