Քանի որ հիմա ծիրանի իսկական սեզոնն է, և բոլորի տներում էլ այն սիրված մրգերի շարքում է, առաջարկում ենք ծիրանով մի շատ համեղ թխուկ պատրաստել, որը դուր կգա թե՛ ձեր տան անդամներին, թե՛ հյուրերին։
Անհրաժեշտ բաղադրիչներն են՝
- 500 գ ծիրան,
- 4 բաժակ ալյուր,
- 1,5 բաժակ շաքարավազ,
- 300 գ թթվասեր,
- 50 գ կարագ,
- 2 ձու,
- 1 փաթեթ փխրեցուցիչ,
- 1 փաթեթ վանիլին։
Պատրաստման եղանակը
1. Այս թխուկը կազմված է հիմքից և լցոնից, որ լցվում է ծիրանների վրա։ Սկզբի համար պետք է պատրաստել թխուկի հիմքը։ Դրա համար հալեցրեք կարագը, ավելացրեք մեկ բաժակ շաքարավազը, ձուն և 100 գրամ թթվասերը։
2. Լավ խառնեք բաղադրիչները, ավելացրեք երկու բաժակ ալյուրը, փխրեցուցիչն ու վանիլինը։ Մեկ ժամով խմորը դրեք սառնարանը։
3. Լվացեք և չորացրեք ծիրանները, երկու կես արեք։
4. Վրայի լցոնը պատրաստելու համար խառնեք կես բաժակ շաքարավազը, մեկ ձուն, թթվասերի և ալյուրի մնացած մասը։
5. Ձևամանի տակ կարագ քսեք, լցրեք խմորը, վրան շարեք ծիրանները՝ ներսի մասը դեպի ներքև և վրայից լցրեք լցոնը։
6. Թխեք մոտ մեկ ժամ՝ 200 աստիճանի տակ։
7. Այս թխուկն արտակարգ համեղ է, թխեք և կհամոզվեք։ Բարի ախորժակ։