168.am-ը գրում է.
Թուրքիան ակնկալում է, որ Ս-400 զենիթահրթիռային համակարգերի դիվիզիոնների մատակարարումների երկրորդ փուլը կսկսվի 2020 թվականին: Հուլիսի 31-ին հեռուստատեսությամբ այդ մասին հայտարարել է Թուրքիայի Պաշտպանական արդյունաբերության վարչության ղեկավար Իսմայիլ Դեմիրը:
«Ս-400-ների մատակարարման երկրորդ փուլը կարող է սկսել եկող տարի: Համակարգերի կառավարումը կիրականացնի Թուրքիան, այլ կերպ լինել չի կարող: Այդ համալիրների հետ մեզ համար անցանկալի ոչինչ անել չի ստացվի»,- ասել է նա: Դեմիրն ըստ որում նշել է, որ ԱՄՆ-ը «ոչ մի կարգի տեխնիկական հիմնավորում չի բերել իր այն փաստարկի համար, թե Ս-400-ները չեն կարող աշխատել F-35 կործանիչի հետ»:
Վարչության ղեկավարն ուշադրություն է հրավիրել այն բանի վրա, որ Ս-400-ի վերաբերյալ պարտավորագրի շնորհիվ Թուրքիան կստանա հակահրթիռային պաշտպանության որոշ տեխնոլոգիաներ, որոնք կկարողանա օգտագործել հակահրթիռային պաշտպանության ազգային ծրագրերում: Ապագայում, նրա խոսքով, Ս-400-ների հետ մեկտեղ Թուրքայի օդային տարածության անվտանգությունը կապահովեն նաեւ տարբեր հեռահարության եւ նշանակության հայրենական համակարգեր:
«2021 թվականից պլանավորում ենք աստիճանաբար շարք մտցնել Hisar-A, Hisar-O եւ Siper համալիրները»,- ասել է Դեմիրը: Ինչպես հուլիսի 14-ին հայտարարել է Թուրքիայի նախագահ Թայիփ Էրդողանը, Թուրքիային Ս-400-ների մատակարարման գործընթացը կարող Է ավարտվել 2020 թվականի ապրիլին, հաղորդել է ՏԱՍՍ-ը:
