Ձմերուկի մուրաբան շատ համեղ է ստացվում, եթե այն ճիշտ եք պատրաստում։
Ամենայն մանրամասնությամբ ներկայացնում ենք ձմերուկի մուրաբայի պատրաստման եղանակը։
Բաղադրամասեր
2 կգ ձմերուկի կեղևին ՝
3 կգ շաքարավազ,
800 մլ ջուր,
կիտրոնի հյութ,
վանիլին։
Պատրաստման եղանակը
Հարկավոր է ձմերուկի կեղևը առանձնացնել ձմերուկից։
Միայն թողեք սպիտակ հատվածը։
Պետք է հաստ կեղև լինի, որ մուրաբան լավ ստացվի։ Պետք է կեղևի հենց այդ սպիտակ մասը կտրատեք և այդ կտորները դնեք կրաջրի մեջ։
20 րոպե հետո հանեք և սառը ջրով լվացեք ձմերուկի կեղևի կտորները։
Լցրեք այն տաք ջրի մեջ և 5-7 րոպե եփեք։
Այնուհետև քամեք և սառեցրեք այն։
Հետո պատրաստեք շաքարավազով օշարակը։
Ձմերուկի կեղևի կտորները լցրեք տաք օշարակի մեջ և եփեք 20 րոպե, հետո թողեք՝ 1,5 ժամ այն մնա օշարակի մեջ։
Հետո նորից 20 րոպեով եփեք և կրկին թողեք՝ 1,5 ժամ մնա այն։
Իսկ վերջում մուրաբան դրեք մարմանդ կրակի վրա և վրան ավելացրեք վանիլինն ու կտրոնի հյութը։
Շատերը կիտրոնի աղ են ավելացնում, բայց դա սխալ է․ հնարավոր է՝ կիտրոնի աղով այն շաքարակալի, իսկ ճիշտը կիտրոնի հյութն է։
