Armenpress.am-ը գրում է.
Չինաստանը ողջունում Է ՌԴ-ի արտաքին գործերի նախարարության ներկայացրած՝ Պարսից ծոցի գոտու կոլեկտիվ անվտանգության հայեցակարգը: Հուլիսի 25-ին ճեպազրույցում այդ մասին հայտարարել Է ՉԺՀ-ի ԱԳ նախարարության պաշտոնական ներկայացուցիչ Հուա Չունյինը, տեղեկացնում Է «Արմենպրես»-ը:
Չինաստանի ԱԳ նախարարության պաշտոնական ներկայացուցիչը նաեւ նշել Է, որ «Պարսից ծոցի գոտու խաղաղությունն ու կայունությունը չափազանց կարեւոր են տարածաշրջանի եւ ամբողջությամբ վերցված աշխարհի անվտանգության եւ զարգացման ապահովման համար: «Մենք կարծում ենք, որ տարածաշրջանում կայունության եւ անվանգության ապահովման համար անհրաժեշտ Է հաստատել լավ դրացիական հարաբերություններ՝ հիմնված փոխադարձ հարգանքի վրա»,- ընդգծել Է Հուա Չունյինը:
Հուլիսի 23-ին Ռուսաստանի ԱԳ նախարարությունը ներկայացրել Է Պարսից ծոցի գոտում կոլեկտիվ անվտանգության հայեցակարգը: Դրա շրջանակներում նախատեսված Է Պարսից ծոցի գոտում անվտանգության եւ համագործակցության միջազգային խորհրդաժողովի նախապատրաստման նախաձեռնող խմբի ձեւավորում, ինչը հետագայում կհանգեցնի այդ տարածաշրջանում անվտանգության եւ համագործակցության կազակերպության ստեղծման, հաղորդել Է ՏԱՍՍ-ը: