Tert.am-ը գրում է.
Ազգային ժողովի նախկին պատգամավոր, գեներալ Մանվել Գրիգորյանի և նրա կնոջ՝ Նազիկ Ամիրյանի գործով այսօրվա նիստին Մանվել Գրիգորյանը չի ներկայացել: Նրան դատարան են բերել առողջական խնդիրների պատճառով:
«Նաիրի» բժշկական կենտրոնից այսօրվա նիստի համար նույնաբովանադակ փաստաթուղթ էր ներկայացվել դատարանին, որտեղ նշված էր, որ մեղադրյալը դատական նիստին չի կարող մասնակցել՝ առողջական խնդիրների պատճառով: Նշենք, որ հունիսից մինչ այժմ Գրիգորյանը բուժում է ստանում Նաիրի ԲԿ-ում:
Դատավոր Մնացական Մարտիրոսյանը նշեց, որ դատական նիստին ներկայացել է բժիշկ–փորձագետ, որը պետք է մասնակցի Գրիգորյանի համար նշանակված միջգերատեսչական հանձնաժողովային դատաբժշկական փորձաքննությանը:
Հանրապետական ԲԿ-ի Էնդոկրինոլոգիայի բաժնի վարիչ Լուսինե Մամիկոնյանին հանձնվեց համապատասխան փորձաքննության որոշումը՝ հնարավորություն տալով նրան ծանոթանալ, որից հետո եզրակացություն ներկայացնել:
Դատավորը նաև զգուշացրեց, որ կեղծ եզրակացություն տալու դեպքում նախատեսվում է քրեական պատասխանատվություն:
Մեղադրող կողմը դատարանից պահանջեց Լուսինե Մամիկոնյանի մասնագիտական գործունեությունը փաստող փաստաթղթեր, որը ներկայացնելու համար դատարանը ընդմիջում հայտարարեց:
Նիստը կշարունակվի 14.30-ին:
Ամբողջական հոդվածը կարող եք կարդալ այստեղ
