Անտառը մենակ ծառ չէ, առավել ևս, որ էդ ծառը դու չես տնկել: Անտառում կարելի է կենդանի պահել, անտառից կարելի է նրա արտադրանքը վերցնել, էկոլոգիապես մաքուր սնկի, պտղի և հատապտղի պահածոյացմամբ և բարձրորակ ու թանկարժեք օղիների արտադրությամբ և բիզնեսով զբաղվել։ Չէ, ծառը կտրելը հեշտ է ու շահութաբեր, բայց գողություն է:

Տպավորություն ունեմ, որ բոլորը գիտեն ինչպես Իջևանում աշխատատեղ բացել՝ բացի իջևանցի վարչապետից։ 

Հ.Գ. Շատ վատ կլիներ, որ Նիկոլը, լավամարդ լինելով, առաջվա նման ու որպես հայրենակցի մի բան էլ ավելին թույլ տար՝ կտրեին, իրեն գովեին ու կենացը խմեին... Ծառ կտրելով տուն պահող ախպերներ ջան, անտառը նաև ձեր երեխեքինն ու թոռներինն է: Համոզված եմ, որ մի քիչ ավելի շատ մտածելու ու չարչարվելու դեպքում և՛ տունը կպահեք, և՛ անտառը, ու ավելի լավ կապրեք, քան հիմա, ամենակարևորը՝ կախում չեք ունենա ոչ մեկից, ոչ մեկին պարտական չեք լինի: Ու կողքներիդ էլ միշտ անտառ կունենաք:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել