Microsoft-ը պատրաստվում է ստեղծել Ձեր հոլոգրաֆը, որը կկարողանա խոսել օտար լեզվով։
Նման նորամուծության մասին հայտարարվել է Microsoft HoloLens պրեզենտացիայի ժամանակ։ Մասնագետ-ծրագրավորողները ստեղծել են գործադիր տնօրեն Ջուլիա Ուայթի հոլոգրամը, որը խոսել է վերջինիս ձայնով, սակայն՝ ճապոներեն։
Նման տեխնոլոգիայի միջոցով հոլոգրամը չափազանց ճշմարտանման է ստեղծվում, իսկ յուրաքանչյուր լեզվով ելույթ ունենալու հնարավորությունը թույլ է տալիս պրեզենտացիաներ անել աշխարհի բոլոր երկրներում առանց թարգմանչի օգնության։
Իհարկե, տեխնոլոգիան կարող է օգտագործվել նաև ոչ բարի նպատակներով, օրինակ՝ կեղծ բառեր արտաբերելու կամ գործողություններ կատարելու համար։
Սակայն դրա համար հարկավոր է հոլոգրամի կիրառման պրոֆեսիոնալ մակարդակի հասանելիություն ձեռք բերել՝ կիրառելով բարձրորակ մասնագիտացված տեսախցիկներ և HoloLens թանկարժեք ականջակալներ ու սարքերի հավաքածու։
Ասում են, որ նման տեխնոլոգիաներով մոտ ապագայում զինված կլինեն սմարթֆոնները, որոնք կկարողանան միախառնված իրականություն ստեղծել։
Մեզ մնում է արդեն չհավատալ մեր աչքերին ու ականջներին, քանի որ աշխարհում ստեղծվում են այնպիսի տեխնոլոգիաներ, որոնց մասին մենք չենք էլ մտածում։
