Aysor.am-ը գրում է.
Վերջին շրջանում հայ-իրանական հարաբերություններում որոշակի ակտիվացում է նկատվում: Նախորդ շաբաթ Թեհրանում կայացավ Հայաստան-Իրան միջկառավարական հանձնաժողովի հերթական նիստը, այս նպատակով Թեհրանում գտնվող ՀՀ փոխվարչապետ Մհեր Գրիգորյանը հանդիպեց Իրանի նախագահ Հասան Ռոհանիի հետ, իսկ այս շաբաթ արդեն վարչապետ Նիկոլ Փաշինյանը հեռախոսազրույց ունեցավ Իրանի նախագահի հետ։
Հայ-իրանական հարաբերությունների ակտիվացման շուրջ զրուցել ենք «Հայացք» կիրառական քաղաքականության և հետազոտությունների վերլուծական կենտրոնի փորձագետ Հասմիկ Վարդանյանի հետ:
«Հայաստանը մշտապես կարևորում է Իրանի հետ հարաբերությունների զարգացումը՝ հատկապես տնտեսական համագործակցության խորացումը, ուստի այս տեսանկյունից բարձրաստիճան շփումների ակտիվացումը կարելի է դրական գնահատել: Սակայն այստեղ որոշակի վերապահումներ կան՝ պայմանավորված Իրան-ԱՄՆ հարաբերություններով: 2018 թվականին միջուկային գործարքից դուրս գալուց հետո ԱՄՆ-ը վերականգնել է Իրանի նկատմամբ պատժամիջոցները: Դրանք ունեն երկրորդային ազդեցություն, այսինքն՝ պատժամիջոցները վերաբերում են նաև այն երկրներին և ընկերություններին, որոնք համագործակցում են Իրանի հետ: Եվ այս առումով Հայաստանը բացառություն չէ, Հայաստանի բանկային համակարգն արդեն զգացել է դրանց ազդեցությունը», - նշեց փորձագետը:
Ամբողջական հոդվածը կարող եք կարդալ այստեղ
