Շվեյցարիայում հնագետները հայտնաբերել են բարձր կարգավիճակ ունեցող մարդկանց դամբարաններ, ովքեր հուղարկավորվել են իրենց նավերով։ Այսպես կոչված նավային դամբարաններից մեկում հայտնաբերվել են շատ լավ պահպանված մարդկային և կենդանական մնացորդներ։
Գտածոն հայտնաբերվել է պատահաբար, Հին Ուփսալի տարածքում գտնվող հեթանոսական Սկանդինավիայի քաղաքական կենտրոնում։ Մասնագետները հայտնաբերել են միջին դարին պատկանող ջրամբար, որից հետո հայտնաբերել են նաև թաղված նավակներ։ Երկու դամբարանները փորելու համար պահանջվել է մեկ ամիս։ Հայտնաբերված դամբարաններից մեկը բավականին վնասված է եղել, քանի որ նրա վրա ուրիշ շինություն է կառուցվել։
Երկրորդ՝ քիչ թե շատ պահպանված դամբարանում գիտնականները հայտնաբերել են մնացորդներ և արտեֆակտներ, այդ թվում` թուր, վահան և նիզակ, ինչպես նաև ծառ և տախտակ։
Նմանատիպ դամբարանները թվագրվում են երկաթե դարից (մ․թ․ա․ 550 թվական) մինչև վիկինգների դարաշրջան (1050-ական թվականներ) ընկած ժամանակահատվածին։ Ամբողջ Շվեյցարիայում միայն 10 նմանատիպ դամբարաններ են հայտնի, սակայն դրանցից շատ քչերն են լավ վիճակում պահպանվել։ Վերջին անգամ նման դամբարան հայտնաբերվել էր 50 տարի առաջ։