Armsport.am-ը գրում է.
Ամերիկուհի Սերենա Ուիլյամսը, որ նախօրեին դուրս է եկել Ուիմբլդոնի քառորդ եզրափակիչ, Grand Slam-ի կազմակերպիչներին խոշոր տուգանք է վճարելու:
Բրիտանական լրատվամիջոցները հաղորդում են, որ Ուիլյամսը 10 հազար դոլար տուգանք է վճարելու: Կիրակի կայացած մարզման ժամանակ Սերենան զայրացել է և ռակետով այնպես ուժգին է հարվածել խոտին, որ մեծ վնաս է հասցրել:
Նշենք, որ միայն քառորդ եզրափակիչ դուրս գալու շնորհիվ 37-ամյա թենիսիստուհին 367 հազար դոլար մրցանակային գումար է ստանալու:
Հավելենք, որ Ուիմբլդոնի կիսաեզրափակչի ուղեգրի համար Սերենա Ուիլյամսը մրցելու է հայրենակցուհի Էլիսոն Ռիսկեի հետ:
Նյութի աղբյուր՝ http://www.armsport.am/hy/news/2019/07/09/serena-williams/994119
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել