Դուք լսե՞լ եք ոսկե կաթի մասին: Այդ ըմպելիքը բաղկացած է կոկոսի կաթից և քրքումից:
Քրքումը շատ առավելություներ ունի, այդ պատճառով Հնդկաստանում այն անվանում են «կյանքի համեմունք»:
Այուրվեդիկ և չինական բժշկությունն այս համեմունքն օգտագործում էին մաշկային խնդիրների, մկանների ձգվածության, հոդացավի, լյարդի և շնչառական օրգանների հիվանդությունների բուժման, վերքերի ապաքինման համար:
Քրքումում պարունակվող քուրքումինը նպաստում է առողջության ամրապնդմանը և կանխում է տարբեր հիվանդությունների առաջացումը:
Ոսկե կաթը շատ սննդարար և օգտակար ըմպելիք է, ունի շատ առավելություններ առողջության համար․
- Կանխում է լյարդի վնասումը,
- Պաշտպանում է ֆիբրոզից և թոքային թունավորությունից,
- Խթանում է լեղու արտազատումը,
- Արագացնում է վերքերի ապաքինումը,
- Ճնշում է ուռուցքի աճը,
- Պաշտպանում է կատարակտից,
- Ճնշում է II տիպի դիաբետի ախտանիշերը,
- Ճնշում է ռևմատոիդ արթրիտի ախտանիշերը,
- Ճնշում է թրոմբոզը,
- Ճնշում է ցրված սկլերոզի ախտանիշերը,
- Ճնշում է Ալցգեյմերի հիվանդության ախտանիշերը,
- Նպաստում է խոլեստերինի առողջ մակարդակին։
«Ոսկե կաթի» բաղադրատոմսը
Բաղադրիչները քրքումով մածուկի համար՝
- ½ բաժակ ֆիլտրացված ջուր
- ¼ բաժակ քրքումի փոշի
- 1 պտղունց աղացած սև պղպեղ
Պատրաստումը՝
Բաղադրիչները խառնեք, դրեք միջին կրակի վրա, խառնեք, մինչև խիտ մածուկ ստացվի: Թողեք՝ սառչի և պահեք սառնարանում:
«Ոսկե կաթի» բաղադրիչները՝
- 1 բաժակ կոկոսի կամ նուշի կաթ
- ¼ թ/գ քրքումի մածուկ
- 1 թ/գ կոկոսի յուղ
- Մեղր՝ ըստ ճաշակի
Պատրաստումը՝
1. Խառնեք բոլոր բաղադրիչները՝ բացի մեղրից:
2. Միջին կրակի վրա եփեք՝ անընդհատ խառնելով, մի թողեք, որ խառնուրդը եռա:
3. Ավելացրեք մեղր: