Armsport.am-ը գրում է.
Լոնդոնի «Չելսիում» վարձակալական հիմունքներով հանդես եկող երկու ֆուտբոլիստների ապագայի վերաբերյալ կան թարմ տեղեկություններ:
Goal.com-ի պնդմամբ՝ «Չելսին» արդեն իսկ հաստատել է, որ Գոնսալո Իգուայինը վերադառնալու է «Յուվենտուս»: Արգենտինացի ֆուտբոլիստը նախորդ մրցաշրջանի երկրորդ հատվածը անց է կացրել «Չելսիի» կազմում:
Մինչ այդ Գոնսալոն դարձյալ վարձակալական հիմունքներով հանդես էր գալիս «Միլանի» կազմում:
Ներկա պահին Թուրինի «Յուվենտուսը» գլխավորում է Մաուրիցիո Սարին: Իտալացի մասնագետը մեկ անգամ չէ, որ հրապարակայնորեն հայտնել է, որ համակրում է Իգուայինին:
Ինչ վերաբերում է Մատեո Կովաչիչին, ապա այստեղ իրավիճակը մի փոքր անորոշ է: Ֆուտբոլիստի իրավունքները պատկանում են «Ռեալին»: Կողմերի միջև, կարծես թե, կա համաձայնություն: Սակայն «Չելսին» տրանսֆերային արգելքի պատճառով չի կարողանում իրականացնել գործարքը:
