Մենք գիտենք, որ առողջական լուրջ խնդիրներ չունեցող մարդը պետք է օրական 8 բաժակ (կամ երկու լիտր) ջուր խմի։ Սա մի՞ֆ է, թե՞ փաստ։
1. Օրական պետք է 8 բաժակ չգազավորված մաքուր ջուր խմել
Հերթական միֆն է. մարդն օրվա ընթացքում թեյի, սուրճի, հյութերի, ապուրների հետ խմում է այդ ջուրը։
2. Ջուրը դուրս է հանում տոքսիններն օրգանիզմից
Սա ճիշտ է. արյունը տոքսիններից մարդու օրգանիզմում մաքրում են երիկամները, և եթե դրանք չապահովվեն անհրաժեշտ քանակությամբ ջրով, ապա չեն կարող նորմալ գործել։
3. Չի կարելի բազմակի անգամ օգտագործել պլաստիկե շշերը
Սա փաստ է։ Երկրորդ և հետագա օգտագործման ժամանակ պլաստիկում եղած քիմիական տարրերը ջրի մեջ են անցնում։
Իսկ որքա՞ն է պետք օրական ջուր խմել։ Օրական նորման կախված է ձեր քաշից, կլիմայական պայմանների և ակտիվության մակարդակից, հաշվի առեք նաև սպորտով զբաղվելը, հղիությունը և առողջական վիճակը։ Միջինում մեկ կիլոգրամ քաշին օրական 30-60 մլ ջուր է պետք։ Այսպիսով՝ 68 կգ քաշի դեպքում ջրի կատարյալ հաշվեկշիռը պետք է օրական 2 լիտրից սկսի։
Ինչպե՞ս սովորել շատ ջուր խմել
- Ձեզ հետ միշտ շշով ջուր ունեցեք։ Դրեք այն ձեր աշխատասեղանին կամ մահճակալի կողքի սեղանիկին և այլն։
- Մի խմեք քաղցր կամ գազավորված ջուր․ շաքարը լրացուցիչ կալորիաների աղբյուր է ձեր օրգանիզմի համար։ Նախապատվությունը տվեք սովորական ջրին։
- Երբ թեթև սով եք զգում, ջուր խմեք։ Հաճախ ինչ-որ բան ուտելու ցանկությունը կեղծ ազդանշան է, որը ի հայտ է գալիս ծարավի պատճառով, և մեկ բաժակ ջրից հետո այն նահանջում է։
- Ջուրն ավելի հեշտ խմելու համար դրան որևէ համ ավելացրեք։ Օրինակ՝ լիմոն քամեք ջրի մեջ, որը հաճելի համ կհաղորդի ջրին։