168.am-ը գրում է.
ՆԱՏՕ-ն մշակել է իր համար առաջին «տիեզերական» ռազմավարությունը: Այդ մասին հայտնել է դաշինքի գլխավոր քարտուղար Ենս Ստոլտենբերգը: Նոր քաղաքականությունը պաշտպանության նախարարները պաշտոնապես կհաստատեն հունիսի 26-ին եւ 27-ին:
Փաստաթուղթը կսահմանի, թե դաշինքն ինչպես պետք է արձագանքի տիեզերքում անվտանգության մարտահրավերներին: Ստոլտենբերգի խոսքով՝ տիեզերական տարածությունը կարող է օգտագործվել ինչպես խաղաղ նատակներով, այնպես էլ ագրեսիայի համար:
«Արբանյակները կարող են լինել շրջափակված, խափանված կամ զինված: Հակաարբանյակային զենքը կարող է վնասել կապը»,- նշել է նա: Ուստի կարեւոր է «զգոն եւ հաստատակամ» լինել, եզրափակել է ՆԱՏՕ-ի գլխավոր քարտուղարը, հաղորդել է ՌԻԱ Նովոստին:
Նյութի աղբյուր՝ https://168.am/2019/06/25/1140969.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել