Չինաստանի հատուկ վարչական շրջան Հոնկոնգում մոտ երկու շաբաթ բազմահազարանոց բողոքի ակցիաներ են անցկացվել, որոնց մասնակիցները դեմ են արտահանձնման մասին օրենքում փոփոխություններ մտցնելու իշխանությունների որոշմանը:
Ընդհանուր առմամբ փողոցային ցույցերին մասնակցել է 2 մլն մարդ (բնակչության 25%-ը), որոնք արգելափակել են գլխավոր փողոցները, կառավարության շենքը:
Լսելով ցուցարարների այսքան մեծ թվի մասին՝ առաջին հայացքից տպավորություն է ստեղծվում, թե ցույցերից հետո Հոնկոնգի փողոցներում իրական քաոս, խառնաշփոթ է տիրել, ամեն ինչ տակնուվրա է արված եղել:
Սակայն Bored Panda կայքի հրապարակած ուշագրավ ֆոտոշարքն ապացուցում է հակառակը: Ներկայացված լուսանկարներն ապացուցում են, թե որքան կարգապահ ու հարգալից են հոնկոնգցիները նույնիկ զանգվածային ցույցերի ժամանակ:
Ցուցարարները հեղեղել են փողոցները
Ցույցին մասնակցող ուսանողները ժամանակ են գտնում քննություններին նախապատրաստվելու համար
1,3 մլն հոգանոց բողոքի ակցիայի ավարտից հետո փողոցները բացարձակ մաքուր են եղել
Ցուցարարների «բանակը» ճեղքվում է շտապօգնության մեքենային, ինչպես նաև հանրային տրանսպորտին ճանապարհ տալու համար:
Ցուցարարներն իրենցից հետո մաքրում են տեղանքը:
Ցուցարարները նախապես մայթերին մաքուր ջրով շշեր են տեղադրում մասնակիցների համար
