Խոյեր։ Դժվար կլինի կենտրոնանալ գործերի վրա: Դրանք ձանձրալի և հոգնեցնող են, իսկ դուք ուզում եք հանգստանալ ու զվարճանալ, հաճելի ժամանակ անցկացնել: Հնարավորություն կունենաք այցելելու հետաքրքիր միջոցառումներ, ծանոթանալու անսովոր մարդկանց հետ: Հնարավորություն կունենաք նոր բաներ սովորելու, որոնք չեն ձանձրացնի ձեզ: Հավանական են անսպասելի աշխատանքի առաջարկները: Մի շտապեք մերժել դրանք: Չի բացառվում, որ հնարավորություն ունենաք փոխելու ձեր կյանքը դեպի լավը: Հնարավոր են հանդիպումներ այն մարդկանց հետ, ում հետ առավել սերտ բարեկամական և սիրային հարաբերություններ եք ունեցել:

Ցուլեր։ Օրն անհանգիստ է, բայց արդյունավետ: Կարելի է անցնել բարդ, խճճված գործերի: Դուք կարող եք հասնել նույնիսկ ավելի մեծ հաջողության, քան սպասում էիք։ Կարող եք հաջողությամբ լուծել ֆինանսական հարցերը: Չեն բացառվում դրամական ձեռքբերումները, շահավետ գործարքներն ու գնումները: Գործերը շատ կլինեն, և դուք պետք է շտապեք, որ ամեն ինչ հասցնեք: Հին ընկերները, լավ ծանոթները կփորձեն օգնել ձեզ: Օրվա երկրորդ կեսը հարմար է գործուղումների համար: Իրավիճակի փոփոխությունը գնում է ձեր օգտին: Տնից հեռու հնարավոր են ծանոթություններ, որոնք կստանան ռոմանտիկ շարունակություն:

Երկվորյակներ։ Առավոտը հետաքրքիր կլինի, հագեցած ու արդյունավետ: Հնարավոր են հաջող զուգադիպություններ: Հանգամանքների բերումով կարող են լուծվել այն խնդիրը, որոնք վերջերս ձեզ հանգիստ չեն տալիս: Այդ ժամանակ հնարավոր են հաճելի հանդիպումները, ծանոթություններ, որոնք կստանան հետաքրքիր շարունակություն: Ավելի ուշ կհայտնվեն նոր գործեր ու հոգսեր: Կարող եք հայտնվել ինչ-որ բարդ, ոչ միանշանակ իրավիճակում: Ձեր փորձի շնորհիվ կարող եք ճիշտ որոշումներ կայացնել: Ավելի լավ է կարևոր խոստումներ չտալ:

Խեցգետիններ։ Օրվա առաջին կեսը հաճելի և հանգիստ կլինի: Այն հնարավորություն կտա կենտրոնանալու այն գործերի վրա, որոնք ձեզ իսկապես հետաքրքիր են: Կարևոր է չշտապել: Անգամ եթե իրադարձությունները շատ դանդաղ զարգանան, պետք է զինվել համբերությամբ և սպասել: Ավելի ուշ նոր և հետաքրքիր գաղափարներ ի հայտ կգան: Դաշնակիցները կօգնեն իրագործել դրանք: Նրանց հետ դուք կկարողանաք հասնել մեծ հաջողությունների:

Առյուծներ։ Հաջող օր է սպասում: Կարելի է շատ բան սովորել, ստանալ օգտակար ինֆորմացիա: Հավանական են հին ծանոթների, վաղեմի գործընկերների հետ հանդիպումներ: Չի բացառվում, որ դուք կպայմանավորվեք համատեղ գործողությունների մասին: Կարելի է հրավիրել մարդկանց, ում հետ գործնական բնույթի կապեր ունեք: Ոչ ֆորմալ մթնոլորտում կհաջողվի քննարկել կարևոր հարցեր, կայացնել ճիշտ որոշումներ: Չեն բացառվում ուղևորությունները, այդ թվում՝ չպլանավորված: Դուք կարող եք լինել այն վայրերում, որոնց մասին շատ եք լսել: Ճանապարհին հնարավոր են հաճելի ծանոթություններ, սակայն դժվար թե դրանք երկար հարաբերությունների սկիզբ լինեն:

Կույսեր։ Օրվա սկիզբը հաջող է: Այն հարմար է գործնական բանակցությունների, այն հարցերի քննարկումների համար, որոնք վերաբերում են երկարատև համագործակցությանը: Հնարավորություն կունենաք ամրապնդելու հին կապերը, հարաբերությունները վաղեմի գործընկերների հետ: Հավանական է առաջընթաց աշխատանքում: Հնարավորություն կունենաք լուծելու խնդիրները, որոնք խանգարում էին հասնել կարևոր նպատակներին։ Որոշ Կույսեր կարող են զգալիորեն մեծացնել եկամուտները: Օրվա երկրորդ կեսը շատ հանգիստ կանցնի։ Այն հարմար է հանգստի համար: Կարող եք վերականգնել ուժերը։ Այս պահին ավելի լավ է զբաղվել նրանով, ինչ ձեզ իսկապես հետաքրքիր է:

Կշեռքներ։ Բարենպաստ օր է: Կարող եք շատ բան հասցնել, լուծել խնդիրները, որոնք հանգիստ չեն տալիս: Դուք ուշադիր եք, նկատում եք կարևոր մանրամասները: Դա շատ է օգնում կենտրոնացում և ուշադրություն պահանջող գործերում: Հենց դրանով դուք պետք է այսօր զբաղվեք: Մի շտապեք որոշումներ կայացնել, հատկապես եթե խոսքը վերաբերում է կարիերային, աշխատանքին և գումարին: Շրջապատը կարող է փորձել ճնշում գործադրել ձեզ վրա: Հիմա կարևոր է արարքներում անկախություն պահել։ Նույնիսկ կատակով մի խոստացեք այն, ինչ չեք կարող կատարել:

Կարիճներ։ Բարդ օր է: Կարող են անսպասելի դժվարություններ առաջանալ: Դրանք չի հաջողվի միանգամից հաղթահարել։ Կարևոր է համառությունը: Նույնիսկ ամենչնչին բաներում ավելի լավ է չհրաժարվել մտածածից, իսկ այն ամենը, ինչ սկսել եք նախկինում, փորձեք ավարտին հասցնել: Շրջապատը կարող է շեղել ձեզ, սովորականից ավելի հաճախ միջամտել ձեր գործերին։ Օրվա երկրորդ կեսին հնարավորություն կունենաք ստանալու ինչ-որ օգտակար տեղեկություններ կամ գտնել այն հարցերի պատասխանները, որոնք կարևոր են ձեզ և ձեր մտերիմների համար: Հարմար օր է ընտանեկան հարաբերությունները ամրապնդելու համար: Կարող եք հյուրեր ընդունել, կարելի է կազմակերպել փոքրիկ տոն առանց պատճառի:

Աղեղնավորներ։ Օրվա սկզբին հնարավոր է անսպասելի հաջողություն գործերում: Կհայտնվեն լավ գաղափարներ, նոր ծրագրեր ապագայի համար: Շատ բան հաջող է դասավորվում: Դուք հայտնվում է ճիշտ ժամանակին ճիշտ տեղում և կարողանում եք դրանից օգտվել: Կարելի է գործարքներ կնքել, պայմանավորվել համագործակցության մասին: Աշխատանքային գործերում դուք կարող եք վստահել գործընկերներին: Օրվա երկրորդ կեսը հանգիստ կանցնի: Այն հազիվ թե նշանավորվի լուրջ վերափոխումներով, բայց հաստատ չի հիասթափեցնի: Կարելի է ավարտին հասցնել սկսած գործերը:

Այծեղջյուրներ։ Օրը բավական բարդ է, սակայն ձեզ կհաջողվի պահպանել լավատեսությունը և առավելագույնս օգուտ քաղել ստեղծված իրավիճակից։ Տարաձայնությունները կմնան անցյալում, դուք կարող եք պայմանավորվել հետագա համատեղ գործողությունների մասին։ Անսպասելի հետաքրքիր գաղափարներ ի հայտ կգան, որոնք վերաբերում են աշխատանքին: Համառությունը կօգնի հասնել մասնագիտական հաջողությունների: Մի վախեցեք կիսվել ձեր գաղափարներով: Դրանք կարելի է քննարկել նույնիսկ նրանց հետ, ովքեր նախկինում ձեզ չեն աջակցել: Նման մարդիկ հաստատ կփոխեն իրենց կարծիքը:

Ջրհոսներ։ Առավոտյան դժվար կլինի: Հնարավոր են տարաձայնություններ։ Չեն բացառվում նորությունները, որոնք կստիպեն անհանգստանալ: Պետք է արագ կարևոր որոշումներ կայացնեք: Այս պահին ավելի լավ է չզբաղվել կենտրոնացում և ուշադրություն պահանջող գործերով: Հեշտ է սխալվելը: Օրվա երկրորդ կեսը հաջող է դասավորվում: Այն հնարավորություն է տալիս հասնելու մեծ հաջողությունների: Պետք է շատ աշխատեք, որպեսզի հասնեք ձեր առջև դրված նպատակներին: Երեկոն անցկացրեք շատ մտերիմ մարդկանց հետ: Նրանց հետ շփումը հաճելի և օգտակար կլինի:

Ձկներ։ Հաջող օր է: Գերակշռում է դրական միտումների ազդեցությունը: Դուք ակտիվ եք, պատրաստ եք գործել և չեք վախենում դժվարություններից: Համառությունը թույլ կտա ոչ միայն հասնել ձեր նպատակներին, բայց և զինաթափել և ջրի երես հանել գաղտնի թշնամիներին: Կարելի է ամրապնդել գործնական և անձնական հարաբերությունները, գտնել նոր դաշնակիցներ: Երբեմն իրավիճակը դուրս է գալիս վերահսկողությունից, բայց նույնիսկ այդ պահերին դուք չեք նյարդայնանա, կպահպանեք ինքնավստահությունը և կանեք այն ամենը, ինչ անհրաժեշտ է:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել