Ամերիկյան Uber ընկերությունը նախատեսում է Ավստրալիայում ավիատաքսիների ծառայություն մատուցել, հաղորդում է ABC հեռուստատեսությունը և ռադիոկայանը:

Ծառայությունը, որը կոչվում է Uber Air, առաջիկա տարիներին կմեկնարկի Դալաս (Տեխաս) և Լոս Անջելես (Կալիֆոռնիա) ամերիկյան քաղաքներում: Օդային տաքսին, ըստ գաղափարի, ուղղահայաց թռիչքով և վայրէջքի համակարգով տրանսպորտային միջոց կլինի: Դրանք օդ կբարձրանան պրոպելերներով:

ABC-ի փոխանցմամբ՝ Ավստրալիայի Մելբուրն քաղաքում Uber Air-ի օգտագործմամբ առևտրային առաքումների մեկնարկը նախատեսվում է 2023 թվականին:

Միևնույն ժամանակ առաջին փորձնական թռիչքները կարող են սկսվել 2020 թ.:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել