Ամերիկացի մի խումբ գիտնականներ կանխատեսել են, որ Մեքսիկական ծոցում շուտով հսկա մեռած գոտի կհայտնվի: Դա կլինի առավել անթթվածին և խոշոր տարածքներից մեկը, գրում է ScienceAlert-ը:
Այս գոտին կառաջանա ջրիմուռների տարածման հետևանքով: Դա կհանգեցնի ձկների, ինչպես նաև ծովային այլ կենդանիների զանգվածային ոչնչացմանը:
Այս գոտու հայտնվելու պատճառը կլինի ջրհեղեղը, որի միջոցով գյուղատնտեսական հողերում օգտագործվող պարարտանյութերի մեծ պարունակությամբ ջուրը լցվում է ծով:
Պարարտանյութերը, հայտնվելով ծովում, խթանում են ծովային թթվածինը կլանող ջրիմուռների աճը: Դա կհանգեցնի այն բանին, որ ձկները զանգվածաբար կխեղդվեն, ձկնորսները կմնան առանց որսի և վաստակի:
Ըստ կանխատեսումների՝ մեռած գոտու տարածքը կարող է ընդգրկել 20-ից 22.4 հազար քառակուսի կիլոմետր:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել