Ամերիկյան սրտաբանական ասոցիացիան նշել է յոթ կանոն, որոնց պահպանումն օգնում է 79 տոկոսով նվազեցնել սիրտ-անոթային հիվանդությունների հայտնվելու հավանականությունը:
Նշվում է, որ հանգուցային գործոններ են դարձել ծխելուց հրաժարվելը, հավասարակշռված սնունդը, չափավոր ֆիզիկական ակտիվությունը, մարմնի նորմալ քաշի պահպանումը, ինչպես նաեւ այնպիսի ցուցանիշների նկատմամբ վերահսկողությունը, ինչպիսիք են արյան մեջ շաքարի մակարդակը, արյան ճնշումը եւ խոլեստերինի մակարդակը:
Մեթոդիկայի արդյունավետության մակարդակը որոշել են Փենսիլվանիայի նահանգի համալսարանի գիտնականները: Նրանք ուսումնասիրել են ավելի քան 74 հազար մարդու տվյալներ, որոնք մասնակցել են Kailuan հետազոտությանը:
Կամավորները երեք անգամ մասնակցել են տարբեր կլինիկական փորձարկումների: Դրա հետ մեկտեղ մասնագետները նշում են, որ կանոններից յուրաքանչյուրի պահպանումը հավասարապես կարեւոր նշանակություն ունի:
Գիտնականներն արձանարգրել են, որ ներկայումս բոլոր հանձնարարականները պահպանում է ամերիկացիների միայն շուրջ 2 տոկոսը, հաղորդել է «ՌԻԱ Նովոստի» գործակալությունը:
