Կանաչ սոխը մեր սիրելի խոտաբույսերից է։ Այն մեզ համար գտնված դեղամիջոց է և ունի առողջարար հատկություններ, բայց կխոսենք նաև կանաչ սոխի հակացուցումների մասին։
Սոխի մեջ առկա բաղադրիչներից շատերը նպաստում են օրգանիզմի դանդաղ ծերանալուն և պիրկ մաշկ ունենալուն, բարենպաստ ազդեցություն է թողնում նույնիսկ ցրտահարված մաշկի վրա:
Կանաչ սոխն ամրացնում է սրտի մկանը և անոթների պատերը, նաև կա կարծիք, որ «վատ» խոլեստերինը կուտակվում է անոթների բորբոքված, վնասված հատվածներում։
Մարդու օրգանիզմին A վիտամին է հարկավոր ռոդոպսինի գոյացման համար, որը տեսողական պիգմենտ է, հնարավորություն է տալիս աչքի ցանցաթաղանթի ընկալիչներին արձագանքելու լույսին: Եթե A վիտամինի անբավարարություն է առաջանում, որպես հետևանք զարգանում են հավկուրություն ու տեսողական այլ խանգարումներ՝ ներառյալ աչքի եղջրաթաղանթի խոց:
Հակացուցումները
Այն հակացուցված է լյարդի, երիկամների և ստամոքս-աղիների խնդիրներ ունեցողներին։ Հետևյալ խնդիրներ ունեցողները պետք է խորհրդակցեն և բժշկի թույլտվությամբ կանաչ սոխ ուտեն։
