Tert.am-ը գրում է.
Մենք շարունակելու ենք օժանդակել՝ զարգացնելու «Զվարթնոց» օդանավակայանը, որպեսզի այն ունենա ավելի լայն հնարավորություններ: Լրագրողների հետ զրույցում ասաց «Կորպորասիոն Ամերիկա օդանավակայաններ» ընկերության գործադիր տնօրեն Մարտին Էռնեկյանը:
Նրա խոսքով՝ ընկերությունը Հայաստանի նոր Կառավարության հետ շատ սերտ համագործակցում է. «Այս պահին սահմանվում են նոր ներդրումների համար առաջնահերթություններ»:
Ինչ վերաբերում է «Զվարթնոց» օդանավակայանի հին ուղևորային համալիրի հարցին, Էռնեկյանն ասաց, որ իրենք շատ լավ են հասկանում այդ համալիրի կարևորությունն ու մշակութային արժեքը. «Իհարկե մենք աշխատելու ենք, որ հնարավորություններ ստեղծվեն դա պահպանելու համար»:
Մարտին Էռնեկյանը նաև նշեց, որ Շիրակի օդանավակայանի շենքի առնչությամբ այս պահին համագործակցում են ճարտարապետների հետ, և արդեն գրեթե պատրաստ են վերանորոգման աշխատանքներ իրականացնելու համար:
Ամբողջական հոդվածը կարող եք կարդալ այստեղ