ԱՄՆ Նեբրասկա նահանգի բնակիչը, որն ամուսնացել է իր հարազատ դստեր հետ, ազատազրկման է դատապարտվել:
Աղբյուրի հաղորդմամբ՝ 2018 թ. աշնանը ոստիկանություն հաղորդում էր ստացվել այն մասին, որ 40-ամյա Թրևիս Ֆիլդգրոուվի և նրա դստեր՝ 21-ամյա Սամանթա Քերշների միջև սեռական կապ կա: Երկուսն էլ հաստատել էին տեղեկությունը և նշել, որ հոկտեմբերի 1-ին իրենք պաշտոնապես ամուսնացել են:
Նշվում է, որ Քերշների մայրն աղջկան իր կենսաբանական հոր հետ ծանոթացրել է ընդամենը երեք տարի առաջ: Նրանք նախկինում երբեք չեն հանդիպել: Ըստ Ֆիլդգրոուվի՝ ինքը նրան չի համարել իր դուստրը, քանի որ նրա ծննդյան վկայականում իր անունը չի եղել:
Քերշները պատմել էր, որ հոր հետ քնելու պատճառը քրոջ հետ գրազն է եղել: Քույրը պնդել էր, որ առաջին քայլը Ֆիլդգրոուվը կանի, սակայն աղջիկը չէր կարող պարտվել և ինքն է հրապուրել հորը:
Ոստիկանության կողմից իրականացված ԴՆԹ անալիզը հաստատել էր, որ Ֆիլդգրոուվը Քերշների հայրն է:
Դատարանի որոշմամբ՝ Ֆիլդգրոուվը դատապարտվել է երկու տարվա ազատազրկման:
