Armenpress.am-ը գրում է.
Անգլիայի Ֆուտբոլի ազգային թիմի նախկին ֆուտբոլիստ Գարի Լինեկերը ցանկություն է հայտնել Եվրոպայի լիգայի եզրափակչի մրցանակաբաշխությանն «Արսենալ»-ի ֆուտբոլիստներին տեսնել Մխիթարյանի մարզաշապիկով:
«Արմենպրես»-ի հաղորդմամբ` այս մասին Լինեկերը գրել է «Թվիթեր»-ի իր միկրոբլոգում: «Հաճելի կլինի, եթե «Արսենալ»-ի ֆուտբոլիստները Եվրոպայի լիգայի եզրափակչի մրցանակաբաշխությանը ներկայանան Մխիթարյանի մարզաշապիկով»,-գրել է նա:
Եվրոպայի լիգայի «Արսենալ»-«Չելսի» եզրափակիչ հանդիպումը կկայանա Բաքվում, մայիսի 29-ին: «Արսենալ»ը պաշտոնապես հաստատել է, որ թիմի հայազգի կիսապաշտպան Հենրիխ Մխիթարյանն անվտանգությաննկատառումներից ելնելով չի մասնակցի հանդիպմանը: «Արսենալ»-ի երկրպագուները ստորագրահավաք են կազմակերպել, որով պահանջում են բոյկոտել եզրափակիչը: Ինչպես նաևերկրպագուները սկսել են սոցցանցերում օգտագործել#BoycotBaku հաշթագը: Ավելի վաղ անգլիական երկու ակումբների՝ «Արսենալ»-ի և «Չելսի»-ի երկրպագուները հետ էին վերադարձրել մարզադաշտի 10 տոկոսը կազմող տոմսերը՝ մոտ 5800 տոմս:
