Կատուն, որը մշտապես փռշտում է, Մեծ Բրիտանիայի ապաստարանում երկար է մնացել, քանի որ չի կարողանում իր համար տերեր գտնել, հաղորդում է Independent-ը։

Էլիոթ անունով զոլավոր կատուն խրոնիկական ռինիտով է տառապում։ Էլիոթն ապաստարանում է հայտնվել, քանի որ նրա նախկին տերը տառապում է ալերգիայով։ 9-ամյա կենդանու մոտ առկա է քթարտադրություն, քոր և փռշտոց։

Այժմ կատուն բնակվում է կատուների պաշտպանության կենտրոնում՝ արևելյան Սասեքսում, որտեղ հայտնվել է մարտին։ Կենտրոնի աշխատակցի խոսքով՝ շատերը հրաժարվում են վերցնել կատվին թանկարժեք դեղորայքի պատճառով, որը նրան հարկավոր կլինի։

Նա նաև ասել է, որ կատուն շատ լավ բնավորություն ունի։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել