Մեծ Բրիտանիայում 13-ամյա դեռահասը դուրս է եկել երեք շաբաթ տևած կոմայից՝ զգալով սիրելի դեզոդորանտի հոտը:
Տղան լուրջ վնասվածքներ է ստացել ընկերների հետ գետում նավարկելիս. նա դուրս է ընկել նավակից և սառը ջրում մնացել առնվազն կես ժամ, հաղորդում է The Daily Mail-ը:
Բժիշկները նրան շտապ տեղափոխել են հիվանդանոց, որտեղ ջանքեր գործադրելով վերականգնել են սրտի աշխատանքը, սակայն երեխան կոմայի մեջ է ընկել: Նրան արհեստական շնչառության սարք են միացրել:
Դեռահասն այդ վիճակում գրեթե մեկ ամիս է անցկացրել, մինչև մի օր նրա մայրը հիվանդասենյակ դեզոդորանտ է բերել, որը տղան օգտագործել է ամեն օր ողբերգությունից առաջ:
«Մենք ամեն հնարավոր բան փորձեցինք նրան արթնացնելու համար, սակայն ապարդյուն: Բուժքույրն ասել էր լոգանքի պարագաներ բերենք, որպեսզի նրան մաքրենք: Երբ ես նրան դեզոդորանտով ցողեցի, նա բացեց աչքերը»,- խոստովանել է տղայի մայրը:
