Գերմանական կենտրոնական բանկի կառավարման խորհրդի ներկայացուցիչ Յոհանես Բերմանը հայտարարել է, որ ԵԿԲ-ն 100 և 200 եվրո արժողությամբ նոր թղթադրամներ է թողարկում, հաղորդում է ՏԱՍՍ-ը:
Նրա խոսքերով՝ 3 միլիարդ նոր տիպի թղթադրամ է տպագրվելու, և այդ թղթադրամների վրա եղած նոր տարրերը կբարդացնեն դրանց կեղծումը:
Նա հավելել է, որ այժմ թղթադրամների վրա պատկերված կլինի հին հունական դիցաբանության հերոսուհու դիմանկարը՝ Եվրոպայի, որը հոլոգրաֆիկ ուղղահայաց շերտի վրա ջրի նշանի տեսքով է: Բացի այդ՝ 100 և 200 թվերը պատկերված են ներքևի ձախ անկյունում և թեքության տարբեր անկյունների տակ կփոխեն գույնը՝ կապույտից մուգ կանաչ:
Նա նաև հստակեցրել է, որ հին թղթադրամները շարունակում են գործել, բայց դրանք աստիճանաբար կհանվեն շրջանառությունից:
Ավելի վաղ հաղորդվել էր, որ ԵՄ-ն դադարեցրել է 500 եվրո արժողությամբ թղթադրամների թողարկումը: