Մայիսի 19-ին HBO հեռուստաալիքը թողարկել է մեր ժամանակի ամենահայտնի սերիալի`«Գահերի խաղ»-ի եզրափակիչ դրվագը: 2011-ին մեկնարկած զրուցավեպը աշխարհում միլիոնավոր երկրպագուներ ձեռք բերեց, իսկ IMDb-ի միջին գնահատականը 10-ից 9,4 միավոր է: Չնայած դրան, վերջին սերիան բոլոր եթերաշրջանների մեջ ամենավատ վարկանիշն ունի՝ 4.3 միավոր:
Այնուամենայնիվ, չարդարացված ակնկալիքներով հեռուստատեսային ցուցադրությունների առաջատարը «Խաղաքարտերով տնակ» քաղաքական թրիլերն է:
Չնայած բարձր ժողովրդականության և ընդհանուր ցուցանիշների (10-ից 8.8-ը), վերջին շարքը խիստ հիասթափեցրեց երկրպագուներին`ստանալով ընդամենը 2,7 միավոր: Եզրափակիչ սերիայով չի կարող պարծենալ նաև «Դեքստերը»՝ սերիական մարդասպան, համատեղությամբ դատաբժշկական փորձագետի մասին դրամատիկ շարքը։ 8,7 միավոր ընդհանուր վարկանիշով սերիալի ավարտն ընդամենը 4,7 միավոր է վաստակել:
Հեռուստատեսային շարքի ընդհանուր վարկանիշային ցուցանիշի և վերջնական դրվագի միջև մեծ տարբերություն ունի նաև «Վիշապի մարգարիտ Զեթը» անիմե շարքը (8.7 և 4.9 միավոր), «Ինչպես հանդիպեցի մայրիկիդ» հումորային սիթքոմը (8.3 և 5.6) ), «Ճիշտ արյունը» ֆենթեզին (7.9 և 5.2) և «Լավ կինը» իրավաբանական դրաման (8.3 և 6): Առավել հիասթափեցնող սերիալների ցանկը եզրափակում է «Կլինիկա» բժշկական սիթքոմը (8.4 և 6.3), չնայած նախորդ եթերաշրջանի հաջողությանը, որի վերջնական շարքը IMDb-ի վարկանիշի համաձայն 10-ից 9,8 միավոր էր:
