Armsport.am-ը գրում է.
«Արսենալի» հարձակվող Պիեր-Էմերիկ Օբամեյանգը խոսել է թիմակից Հենրիխ Մխիթարյանի՝ Եվրոպա լիգայի եզրափակիչ խաղին չմասնակցելու թեմայի շուրջ:
«Մենք գիտենք, որ սա խայտառակություն է, բայց հարգում ենք Մխիթարյանի որոշումը: Քաղաքական խնդիրների պատճառով նրա համար հեշտ չի լինի այնտեղ մեկնել: Սա մեծ խայտառակություն է, բայց այժմ մենք հաղթելու համար հավելյալ մոտիվացիա ունենք:
Բոլորս ցանկանում ենք վերադառնալ Չեմպիոնների լիգա: Մրցաշրջանի մեկնարկից դա եղել է մեր նպատակը»,- Օբամեյանգի խոսքը մեջբերել է Evening Standard-ը:
«Չելսի»-«Արսենալ» եզրափակիչը կայանալու է մայիսի 29-ին, Բաքվի «Օլիմպիական» մարզադաշտում: Հանդիպման գլխավոր մրցավարը լինելու է իտալացի Ջանլուկա Ռոկին, նրան օգնելու են Ֆիլիպո Մելին և Լորենցո Մանգանելին:
Նյութի աղբյուր՝ http://www.armsport.am/hy/news/2019/05/23/arsenal/981283
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել