Երեկ Քեմբրիջի դքսուհին մասնավոր այցով ժամանել է Լոնդոնի Thomas’s Battersea դպրոց, որտեղ սովորում է նրա ավագ որդին՝ Ջորջը:
Դպրոց այցի պատճառը արքայազն Ջորջի վատ վարքը չի եղել և ոչ էլ արքայադուստր Շառլոտային հաջորդ ուսումնական տարվա համար գրանցելը:
Քեյթ Միդլթոնը դպրոց է այցելել ակտիվիստ Հոուփ Վիրգոյի հետ հանդիպելու և ծանոթանալու համար: Հոուփը ծնողներին և ուսուցիչներին կոչ է անում ավելի ուշադիր հետևել երեխաների հոգեկան առողջությանը: Այս թեման շատ է մտահոգում Քեյթին:
Դասախոսությունից հետո աղջիկները մի քիչ շփվել են, ինչի մասին Հոուփը պատմել է Instagram-ում. «Ինձ համար մեծ պատիվ է, որ Քեմբրիջի դքսուհին ներկա է գտնվել իմ ելույթի ժամանակ: Հետո մենք խոսեցինք հոգեբանության ոլորտում նրա աշխատանքի մասին»:
Քեյթ Միդլթոնը, արքայազններ Ուիլյամի և Հարիի հետ, աջակցում է հոգեկան առողջության ոլորտի մի շարք նախաձեռնությունների:
Երեք տարի առաջ նրանք նույնիսկ ստեղծել են Heads Together հիմնադրամը, որին վերջերս միացել է նաև Մեգան Մարքլը: