Նախ՝ նշենք, որ դատավորը ՀՀ բարձրաստիճան պաշտոնատար անձանց էթիկայի հանձնաժողով չի ներկայացրել 2018 թվականի տարեկան հայտարարագիրը: Իսկ ըստ 2017 թվականի տարեկան հայտարարագրի՝ Անի Հարությունյանի դրամական միջոցները կազմել են 27.6 մլն դրամ, 350 հազար դոլար և 200 հազար եվրո: Սրան զուգահեռ նշենք, որ երիտասարդ դատավորի ամսական աշխատավարձը կազմում է 544 հազար դրամ:
Անի Հարությունյանը 2017 թվականի ընթացքում նաև ստացել է ավելի քան 55.2 մլն դրամի եկամուտ, ըստ հայտարարագրի՝ վարձակալության դիմաց: Բայց սա դեռ ամենը չէ: Պարզվում է, որ կին դատավորը 2013 թվականին պաշտոնը ստանձնելիս հայտարարագրել է 7 հատ բնակարան, 3 հատ հասարակական նշանակության շինություն, Volkswagen touareg 4.2 մակնիշի ավտոմեքենա, ինչպես նաև բաժնետոմսեր՝ 27 մլն 900 հազար դրամ և 50 հազար դրամ:
Բացի այս, Անի Հարությունյանը 2017-ին 31.9 մլն դրամով գնել է BMW X4, իսկ 2 մլն դրամով վաճառել է Volkswagen touareg 4.2 մակնիշի ավտոմեքենան: Մի խոսքով՝ Անի Հարությունյանը բոլոր հիմքերն ունի կոչվելու հաջողակ կին գործարար, թեև մինչև դատավոր դառնալը որևէ լուրջ պաշտոն չի զբաղեցրել, նա եղել է հիմնականում պետական տարբեր կառույցներում իրավախորհրդատու, այնուհետև՝ միջին դասի չինովնիկ»,-գրում է թերթը:
Նյութն ամբողջությամբ կարդացեք թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել