Ֆրեդերիկ Մեծը հիասքանչ, գեղեցիկ, նմանը չունեցող նժույգ է: Այն Միացյալ Նահանգների ամենագեղեցիկ ձիերից է:
Ֆրիզը ձիերի ցեղատեսակ է, որը ծագում է Նիդեռլանդներից: Նրանք դասվում են էկզոտիկ կենդանիների շարքին: Նրանց մասին առաջին հիշատակումը եղել է XIII-րդ դարում: Այս ձին եղել է Վիլհելմ I-ի սիրելի ցեղատեսակը:
Այս ձիերի ցեղատեսակը արդեն 2 անգամ վերացման շեմին է եղել, սակայն նրանց փրկել են նիդեռլանդացի ձիաբույծները:
Նրանց պահանջը շատ մեծ է: Նրանք չափազանց սև ու գեղեցիկ են:
Ֆրեդերիկ Մեծը նույնիսկ Facebook-ում 76 000 հետևորդ ունի:
Ձիու սեփականատիրոջ խոսքերով՝ Ֆրեդերիկը շատ լավ հասկանում է, թե որքան գեղեցիկ է ինքը:
Ամենից շատ նա սիրում է լինել ուշադրության կենտրոնում.
«Նա շունչ է առնում, երբ սկսում են նկարել, կամ էլ ուշադրության կենտրոնում է հայտնվում: Գիտեք, նրա պահվածքը նման է հայտնի մարդկանց պահվածքին: Նրանք տանը այլ կերպ են, իսկ հասարակության մեջ՝ այլ»,- նշում է Նազարիոն:
Սրա հետ միաժամանակ նա շատ բարի է, իսկ երեխաներին շատ լավ է վերաբերվում: