Բրունեյի սուլթան Հասանալ Բոլքիահը հայտարարել է, որ ամուսնական դավաճանության և նույնասեռական կապերի համար մահապատժի կիրառման վրա մորատորիում կգործի, հաղորդում է «ՌԻԱ Նովոստին»՝ հղում անելով Radio Television Brunei-ին:
«Ավելի քան 20 տարի է՝ մենք ընդհանուր իրավասության ենթակա դատական գործերի դեպքում դե ֆակտո կիրառել ենք մորատորիում: Այն կկիրառվի նաև շարիաթի քրեական օրենսգրքին ենթակա գործերի դեպքում»,- ասել է Բոլքիահը:
Բրունեյում ամուսնական դավաճանության և նույնասեռական կապերի համար քարկոծության միջոցով մահապատիժ նախատեսող օրենքն ուժի մեջ է մտել ապրիլին: Օրենք է մտցվել նաև գողության համար վերջույթի անդամահատման մասին:
Բրունեյը ստորագրել է, բայց չի վավերացրել ՄԱԿ-ի խոշտանգումների դեմ կոնվենցիան: Սակայն երկրում մահապատիժը շատ հազվադեպ է կիրառվում: Վերջին անգամ այն տեղի է ունեցել 2017 թ.-ին թմրանյութերի առևտրի գործով:
