Armeniasputnik.am-ը գրում է.

Սյունիքում տեղի ունեցած սարսափելի դեպքի մասին տեղյակ են նաև համագյուղացիները։ Ինչպես աղջիկը, այնպես էլ ընտանիքի` դպրոցահասակ մյուս երեխաներն այս օրերին դպրոց չեն գնում։

Սյունիքի գյուղերից մեկում տեղի ունեցած սարսափելի դեպքի` անչափահաս աղջկա հետ հոր` սեռական հարաբերություն ունենալու առնչությամբ քրեական գործ է հարուցվել։ Sputnik Արմենիայի հետ զրույցում այս մասին հայտնեց ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանը։

«1972 թվականին ծնված տղամարդու դեմ քրեական գործ է հարուցվել ՀՀ քրեական օրենսգրքի 141–րդ հոդվածով, այն է` տասնվեց տարին չլրացած անձի հետ սեքսուալ բնույթի գործողություններ կատարելը»,– ասաց Հարությունյանը։
47–ամյա տղամարդը ձերբակալվել է, իսկ աղջիկը տանն է։

Sputnik Արմենիան երեկ հայտնել էր, որ ըստ գյուղում շրջանառվող լուրերի՝ տղամարդը իր անչափահաս դստեր հետ սեռական հարաբերություն է ունեցել մոտակա անտառում։

Օրերս տեղի ունեցած արտառոց դեպքի որոշ մանրամասներ էլ հայտնի են դարձել այսօր։
14–ամյա աղջիկն ապրում է բազմազավակ ընտանիքում, ունի և՛ քույր, և՛ եղբայր։ Աղջկա մայրը տարիներ առաջ լքել է ընտանիքն ու հեռացել գյուղից։

Սարսափելին այն է, որ հայրն ադեկվատ վիճակում է եղել։ Դեպքի մասին տեղյակ են նաև համագյուղացիները. հենց նրանք են դիմել ոստիկանություն։ Աղջիկն ու ընտանիքի` դպրոցահասակ մյուս երեխաներն այս օրերին դպրոց չեն հաճախում։

Ընտանիքի երեխաները հիմա մնացել են տատիկի հետ։ Ի դեպ, նրանք` որպես բազմազավակ ընտանիք, պարբերաբար օժանդակություն են ստացել տարբեր ՀԿ–ներից, համայնքը փորձել է նաև ընտանիքի հոր աշխատանքի խնդիրը լուծել։

Գյուղում և դպրոցում, որտեղ սովորում են երեխաները, հոգեբանական ծանր վիճակի մեջ են բոլորը։



Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել