168.am-ը գրում է․

Փարիզի Աստվածամոր տաճարի վերականգնումը, որը տուժել է հրդեհից, կարող է տեւել հինգ տարուց ավելի, որն այդ աշխատանքների համար հատկացրել է Ֆրանսիայի նախագահ Էմանուել Մակրոնը: Այս մասին հայտնել է երկրի մշակույթի նախարար Ֆրանկ Ռիեստերը մայիսի 2-ին Le Parisien թերթում հրապարակված հարցազրույցում:

«Աշխատանքները կարող են ավարտվել ինչպես հինգ տարուց ավելի, այնպես էլ դրանից պակաս ժամկետում: Գլխավորն այն է, որ ամեն ինչ կատարվի հանգամանորեն: Բայց միանգամայն ակնհայտ է, որ հարկ կլինի այդ աշխատանքները կատարել բարձր տեմպով, որպեսզի տաճարը հնարավորինս արագ վերադարձնենք հավատացյալներին, փարիզցիներին, բոլոր ֆրանսիացիներին եւ զբոսաշրջիկներին»,- հայտարարել է Ռիեստերը:

Նա հավաստիացրել է, որ չնայած կառավարության կողմից ներկայացված օրինագծին, որը մայիսի 10-ին կքննարկվի Ազգային ժողովի կողմից եւ նախատեսում է մի ամբողջ շարք նորմատիվային ակտերի վերացում, որպեսզի ավելի արագ կատարվի վերականգնումը, «ազգային սեփականության պաշտպանության ոչ մի դրույթ չի խախտվի»: «Ես դրա երաշխավոր եմ հանդես գալիս»,- ընդգծել է մշակույթի նախարարը:

«Կկազմվի պատմաբանների, տեխնիկների, գիտնականների մի ամբողջ ընկերություն, որպեսզի վերականգնումը դառնա լավագույնը բոլոր հնարավորներից»,- ասել է Ռիեստերը, հաղորդել է ՏԱՍՍ-ը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել