Հենց մեր պատասխան և ջախջախիչ հակահարվածով վերջ դրվեց ապրիլյան գոնե հեռահար պատերազմին

2016թ.-ի այս օրը՝ ապրիլի 28-ին, փաստացի ավարտվեց Ապրիլյան պատերազմը, որը, չգիտես ինչու, ստացել է Քառօրյա պատերազմ անվանումը: Ապրիլի 27-ին և 28-ին ադրբեջանական զինուժն ակտիվ հրետակոծության է ենթարկում մեր տարածքները՝ թիրախավորելով համեմատաբար սահմանագծից հեռու տեղակայված զորամասերը: Ադրբեջանը հրետակոծությունը հիմնականում իրականացնում էր բնակավայրերի թիկունքում տեղակայված հրետանային դիրքերից: Ադրբեջանական զինուժը կիրառում է 85, 100, 122 ու 152 մմ թնդանոթներ, ԲՄ-21 (Գրադ) կայանքներ և 9Մ33 Մ3 («Օսա-ԱԿՄ») զենիթահրթիռային համալիր: Առավել ինտենսիվ հրետակոծություններ են արձանագրվում շփման գծի հյուսիսարևելյան ուղղությամբ: Հրետակոծության են ենթարկվում նաև Մարտակերտ, Ներքին Հոռաթաղ և այլ խաղաղ բնակավայրեր: