Բրիտանացի սննդաբանները հաջող նիհարելու մի քանի դյուրին տարբերակ են առաջարկել: Փորձագետների խորհուրդները հրապարակվել են Daily Mail պարբերականի կայքում:
Ընթերցողներին երեք մեթոդ է առաջարկվում, որոնցից յուրաքանչյուրն օգնում է ավելորդ քաշից ազատվել առանց սիրելի սննդամթերքներից հրաժարվելու կամ քրտնաջան մարզումների:
Առաջին տարբերակը քրոմ պարունակող մթերքների օգտագործումն է: Մասնագետների կարծիքով՝ նյութը թույլ է տալիս կարգավորել արյան մեջ շաքարի մակարդակը և նվազեցնել սովի զգացումը: Իսկ անհրաժեշտ քանակությամբ քրոմ կարելի է ստանալ միս, միրգ և բանջարեղեն օգտագործելով, նշվում է հրապարակման մեջ:
Երկրորդը «անհամաչափ սովի» տարբերակն է: Նիհարել ցանկացողներին առաջարկվում է օրվա ամբողջ ռացիոնն ուտել 8 ժամվա ընթացքում և մնացած 16 ժամերին խուսափել սննդից: Միևնույն ժամանակ նշվում է, որ ավելի հեշտ կլինի, եթե սովին տրամադրված ժամանակը համընկնի քնի հետ:
Որպես ավելորդ քաշից ազատվելու երրորդ տարբերակ՝ փորձագետները խորհուրդ են տվել շիլաներին դարչին ավելացնել: Այն նաև օգնում է բարելավել արյան ճնշումը և նվազեցնել ախորժակը:
