168.am-ը գրում է.
«Այս պահին կուսակցական գործունեությամբ չեմ զբաղվում, այժմ կառավարության անդամ եմ: Գործնականում ժամանակ չեմ ունենում դրանով զբաղվելու համար»,- այսօր կառավարության նիստից հետո լրագրողների հետ զրույցում նշեց Արդարադատության նախարար Արտակ Զեյնալյանը։
Հարցին՝ իշխող «Քաղաքացիական պայմանագիր» կուսակցության անդամները գուցե խոչընդոտո՞ւմ են դրա համար, Արտակ Զեյնալյանը պատասխանեց, որ որևէ խոչընդոտ չկա, պարզապես ժամանակ չունի.
«Սա իմ անձնական որոշումն է։ Եթե որոշեմ զբաղվել կուսակցական քարոզչությամբ, ապա կոնֆլիկտ առաջանալու դեպքում որոշում կկայացնեմ, թողնե՞լ պաշտոնս, թե՞ ոչ։ «Հանրապետություն» կուսակցությունն իշխանություն չէ, այն Կառավարությունում և Ազգային ժողովում չկա, հետևաբար՝ արտախորհրդարանական ուժ է»:
Զվարթ Խաչատրյան
Նյութի աղբյուր՝ https://168.am/2019/04/25/1114193.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
