Երկրի առաջին նախարարը խոստացել է մինչև 2019-ի վերջը հանրաքվեի վերաբերյալ օրինագիծ նախապատրաստել:

Մեծ Բրիտանիայի ԵՄ-ից դուրս գալու դեպքում մինչև 2021 թվականը Շոտլանդիայում անկախության վերաբերյալ երկրորդ հանրաքվեն կանցկացվի:

Այս մասին հայտարարել է երկրի առաջին նախարար Նիկոլա Ստերջենը, գրում է «Եվրոպեյսկայա պրավդան»՝ հղում անելով BBC-ին:

«Brexit-ի և Շոտլանդիայի՝ որպես անկախ եվրոպական ազգի միջև ընտրությունը պետք է առաջարկվի ներկայիս խորհրդարանի գործունեության ժամանակահատվածում»,- ասել է Ստերջենը:

Նա նշել է, որ Շոտլանդիայի կառավարությունը գործելու է, որպեսզի ժողովրդին հնարավորություն ընձեռի իր ընտրությունը կատարել ներկայիս խորհրդարանի կազմի գործունեության ընթացքում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել