Ավստրալիայի, Նորվեգիայի և Մեծ Բրիտանիայի մասնագետները պարզել են, որ ֆիզիկական ակտիվությունը երկարեցնում է կյանքը։ Հետազոտությանը մասնակցել են 45 տարեկանից բարձր 149 հազար մարդ։
Շուրջ 9 տարի գիտնականներն ուսումնասիրել են այդ մարդկանց։ Հետազոտության մասնակիցներն, ըստ իրենց կենսակերպերի, բաժանվել են 4 խմբերի։
Ամենաքիչ ակտիվություն ցուցաբերող մարդիկ ամեն օր 8 ժամ անց էին կացնում նստած վիճակով և քայլում էին 150 րոպե։ Իսկ ամենաակտիվ խմբի անդամներն ամենաշատը 2 ժամ էին նստում և օրական մեկ ժամից ավել զբաղվում սպորտվ։
Գիտնականներին հաջողվել է պարզել, որ օրական 6 ժամից ավել նստող մարդկանց մոտ սիրտ-անոթային հիվանդություններ են առաջացել, ինչը մեծացրել է վաղ մահանալու հավանականությունը։ Անգամ թեթև ֆիզիկական ծանրաբեռնվածությունն է ի վիճակի երկարացնելու մարդու կյանքը։
Ֆիզիկական ակտիվությունը զգալիորեն նվազեցնում է վաղ մահանալու հավանականությունը։ Հետազոտության հեղինակ Էմանուել Ստամատակիսը նշում է, որ նստելը արագ քայլով փոխարինելը մեծահասակների համար հնարավոր տարբերակներից ամենալավն է։
