Մադուրոն ռուսաստանցիներին շնորհավորել է Լենինի ծննդյան օրվա առթիվ

Operativ.am-ը գրում է․

Վենեսուելայի 
նախագահ Նիկոլաս Մադուրոն ռուսաստանցիներին շնորհավորել է Վլադիմիր Լենինի 
ծննդյան օրվա առթիվ՝ նրան անվանելով «կենդանի պատմություն»՝ հայտնում է ՌԻԱ
Նովոստին։

«Շնորհավորում ենք ռուսաստանցիներին Վլադիմիր Իլյիչ Ուլյանովի ծննդյան 
149-րդ ամյակի առթիվ։ Մենք արժանին ենք մատուցում այդ մեծ հեղափոխական 
առաջնորդին եւ պրոլետարիատի ու սոցիալիզմի կառուցման համար պայքարի նրա 
ժառանգությանը։ Լենինն այսօր դեռեւս մնում է կենդանի պատմություն»,- 
Twitter-ում գրել է Մադուրոն։

Ապրիլի 22-ին լրացավ հեղափոխական, մարքսիզմի տեսաբան, բոլշեւիկյան 
կուսկցության առաջնորդ, խորհրդային կառավարության առաջին ղեկավար Վլադիմիր 
Լենինի (1870 - 1924) ծննդյան 149-րդ տարեդարձը։